FINAL FOUR 2016 - SHKODËR
Kamza triumfon në finale
18 February, 2016 @19:44
Kamza ka fituar trofeun e Kupës së Shqipërisë pak më parë, duke e mposhtur Tiranën në një përballje jashtëzakonisht interesante dhe dramatike deri në fund të ndeshjes.
Mbi 30 herë është ndërruar epërsia në ndeshje, derisa 10 minutëshi i fundit nisi prej 49-49, kur Kamza krejt në fund u tregua më syçele për të fituar Kupën në fund.
Erkand Karaj kapiteni i Kamzës ka qenë ndër më të dalluarit te ekipi fitues, derisa atij i ndihmuan mjaft edhe Robert Shestani e Ennio Fjolla.
Në anën tjetër, te Tirana, që dështoi krejt në fund, më të dalluarit kanë qenë Genti Lasku, Abdel Gjyzeli e Majk Vaqarri.
Kamza në fund morri Kupën e Shqipërisë për këtë vit, ku kreu i FSHB-së ia dorëzoi kapitenit Karaj atë.
Në gjysmëfinalet e zhvilluara ditë më parë, Kamza kishte mposhtur Partizanin bindshëm 94-57, ndërsa Tirana kishte befasuar Vllazninë me rezultat 71-60. Vllaznia ka qenë organizatore e pjesës përfundimtare të Kupës së Shqipërisë, ndryshe Final Four i Kupës shqiptare.
Statistikat individuale te Kamza Basket
| 1 | J. Hamati | 16 pikë | 7 kërcime | 1 asistim |
| 2 | F. Bircaj | 12 pikë | 7 kërcime | - |
| 3 | E. Karaj | 11 pikë | 3 kërcime | 3 asistime |
| 4 | R. Sheshtani | 9 pikë | 6 asistime | 5 kërcime |
| 5 | F. Gjoka | 9 pikë | 1 kërcim | - |
| 6 | E. Roshi | 6 pikë | 2 kërcime | 1 asistim |
| 7 | E. Fiolla | 1 pikë | 2 kërcime | - |
Statistikat individuale te Tirana
| 1 | G. Lasku | 21 pikë | 5 kërcime | 3 asistime |
| 2 | R. Vogli | 15 pikë | 3 kërcime | 1 asistim |
| 3 | A. Gjyzeli | 12 pikë | 6 kërcime | 1 asistim |
| 4 | E. Hasani | 6 pikë | 6 kërcime | - |
| 5 | M. Vaqarri | 4 pikë | 6 kërcime | - |
| 6 | M. Jani | 2 pikë | 4 kërcime | 2 asistime |
