Kastrioti s’lejon befasi

Basketbollistët e Kastriotit të Ferizajit, të udhëhequr nga trajneri amerikan, Rickey George, kanë arritur që të fitojnë duelin e parë të serisë finale të Play-Outit, ndaj Yllit të Suharekës. 

Kastrioti ka arritur të mposht mysafirët në Palestrën Bill Clinton të Ferizajit me rezultat 87-79, me 8 pikë diferencë. 

Me këtë fitore, Kastrioti ka kaluar 1-0 në epërsi të serisë finale dhe tani do të kërkojë edhe fitoren e dytë, ashtu që të sigurojë Superligën për stinorin 2014/15. 

E Ylli do të bëj gjithçka që të barazojë serinë dhe të vazhdojë shpresën për të arritur Superligën, pas shumë viteve të kaluara në rangun më të ulët të garave.