WEST
Spurs fiton ndeshjen e parë
20 May, 2014 @11:32
Mungesën e Sergie Ibaka-së, e shfrytëzoi San Antonio, në mënyrën më të mirë.
Ibaka i cili ishte lënduar në serinë kundër Los Angeles Clippersit, nuk luajti dje kundër San Antonios, e këtë djelmoshat e trajnerit Gregg Popovich e kthyen në avantazh, duke depërtuar edhe luajtur në trapez më shumë.
“Mamuzat” e fituan ndeshjen me rezultat 122-105, ndërsa veterani Tim Duncan, shkëlqeu me 27 pikë e 7 kërcime. Ai u ndihmua edhe nga e tërë skuadra, të cilët luajtën mirë në mënyrë ekipore.
Në anën tjetër, si zakonisht dyshja Kevin Durant e Russell Westbrook, ishin më të efikasit duke shënuar 28, përkatësisht 25 pikë, por ishin të pamjaftueshëm ndaj veteranëve nga Teksasi.
Tani San Antonio, kaloi 1-0 në epërsi në seri, ndërsa ndeshja e dytë do të luhet përsëri në AT&T Center me 21 maj.
Video
San Antonio-Oklahoma
