KB Rahoveci përforcohet

Skuadra lidere e Ligës së Parë të basketbollit, KB Rahoveci, ka paraqitur në Federatën e Basketbollit të Kosovës edhe 2 basketbollistë tjerë vendorë si përforcime në skuadër. 

Fjala është për lojtarë që kanë përvojë nga ekipet e Superligës. 

Albatrit Berisha, ish lojtar i AS Kastriotit, Bashkimit e disa ekipeve tjera si dhe Driton Bajrami, që së fundi ka qenë pjesë e Sigal Prishtinës - pritet të zyrtarizohen si lojtarë të ri të ekipit që po shkatërron gjithçka para vetes në Ligë të Parë.

Rahoveci që po drejtohet nga trajneri Valentin Spaqi ka përfunduar pjesën e parë të kampionatit me bilanc 10-0.