‘Kemi kapacitet për 3-0’

Kapiteni i Prishtinës, Edmond Azemi, që ka ngritur mbi 20 trofe në basketbollin kosovar me bardhekaltërit, e së fundi ia bëri sefte edhe me një trofe ndërkomëbtar, ka thënë se ekipi i tij ka kapacitet për të fituar serinë finale 3-0. 

“Loja e parë ka qenë shumë e rëndësishme. Po të fitonte Peja do të motivohej shumë. Por ne, bëmë lojë të shkëlqyer dhe pa Dardanin arritën fitore,” ka thënë fillimisht ai për gazetën Zëri sot. 

“Normalisht, e kemi bërë një hap të madh drejt titullit. Pas titullit të Balkan League-së, tani më na është shtuar vetëbesimi dhe morali te ne. Do të shkojmë për të fituar në Pejë. Kemi kapacitet për të mbyllur serinë e finaleve 3-0,” është cituar të ketë thënë kapiteni i bardhekaltërve për këtë gazetë sot. 

Edo, siç thirret kapiteni i prishtinasve, ka përfunduar ndeshjen e parë finale me bilanc të shkëlqyeshëm duke u bërë lojtar i ndeshjes në fitore të ekipit të tij. 

Azemi përfundoi nedshjen me 18 pikë, 3 asistime, 8 kërcime dhe 2 topa të vjedhur që ia nxorri atij koeficentin e vlerës në ndeshje, 29, duke e bërë atë lojtarin e ndeshjes së parë finale për Prishtinën.