Kerasani mposht Trepçën për fitoren e parë sivjet

Me fitoren e Kerasanit është mbyllur dueli mes dy skuadrave që përbëhen plotësisht nga lojtarë vendor.

Skuadra prishtinase e mposhti në kryeyqytet skuadrën e Trepçës, për ta shënuar kështu fitoren e parë sezonale.

Kerasani ishte skuadër më e mirë që nga çereku i parë, në të cilin fillimisht krijoi një epërsi të lehtë, për ta rritur e për ta ruajtur më pas deri në çerekun e fundit, e në këtë çerek ishin mitrovicasit ata të cilët zhvilluan paraqitje tejet të mirë, duke shënuar 30 pikë e duke pranuar vetëm 15, për ta ngushtuar shumë rezultatin, mirëpo ishte vonë për një rikthim senzacional dhe takimi u mbyll me rezultat 83-76 në të mirë të Kerasanit.

TABELA AKTUALE SUPERLIGA

Më të dalluarit në këtë fitore të Kerasanit ishin Rinor Ahmeti me 17 pikë, 5 kërcime e 4 asistime dhe Alban Latifaj me 16 pikë, 6 kërcime e 11 asistime, kurse te Trepça sonte u veçuan Valdrin Haxhiu, Burim Zekiqi e Xhem Haxhiu, që të tre me nga 17 pikë.

Pas dy xhirove, Kerasani ka një fitore e një humbje, kurse Trepça 2 humbje.