PËRMBLEDHJE E XHIROS
Khimki njofton Realin me humbje, Doelman ende pa fitore
4 November, 2017 @10:22
Përfundoi edhe xhiroja e pestë në ligën më të fortë europiane, Euroleague.
Khimki njofton Real Madridin me humbje
Skuadra ruse Khimki, arriti ta befasojë Real Madridin në Spanjë, duke e mposhtur kundërshtarin me rezultat 86-80, për t’ia shkaktuar humbjen e parë të stinorit në Euroligë.
Tani nuk ka më ekip të pamposhtur në Euroleague, derisa katër skuadrat e para në renditjen tabelare kanë bilanc prej 4 fitoreve e 1 humbjeve pas pesë xhirove të zhvilluara deri më tani.
Kampioni bindshëm ndaj Valencias
Kampioni aktual i Euroleagues, Fenerbahçe, pas humbjes në javën e kaluar kundër Panathinaikosit në sekondat e fundit, kësaj radhe nuk gaboi ndaj Valencias.
Ndeshja përfundoi me rezultat 79-66 në favor të Fenerit, derisa më i dalluari ishte italiani Luigi Datome me 16 pikë.
Kjo ishte fitorja e tretë e Fenerbahçes, pas 5 xhirove të zhvilluara.
E vetmja skuadër pa fitore, e Justin Doellmanit
Skuadra e “kosovarit” Justin Doellman, Anadolu Efes, edhe pas xhiros së pestë nuk arriti të shënojë fitore në Euroleague.
Kësaj radhe pësuan nga Unicaja Malaga me rezultat 79-74.
Doellmani nuk ishte në 12-shen e skuadrës në këtë ndeshje.
