Konfirmohet, Liga Ballkanike me 9 skuadra

Liga Ballkanike sivjet do të luhet me 9 skuadra.

Pas vendimit të Bordit të kësaj lige për ta përjashtuar nga garat skuadrën malaziase Sutjeska, për shkak se nuk i kishte kryer obligimet me kohë ndaj Ligës Ballkanike, organizatorët e BIBL ishin ‘hedhur në gjah’ për ta gjetur një tjetër skuadër që mund ta zëvendësonte Sutjeskën.

Mirëpo një gjë e tillë nuk u arrit, dhe në njoftimin e sotëm nga faqja zyrtare e BIBL, thuhet që garat e sivjetme do të organizohen me nëntë ekipe, e jo dhjetë siç ishte e paraparë.

Ndryshon edhe sistemi!

Me ndryshimin e numrit të skuadrave pjesëmarrëse, është ndryshuar edhe sistemi i garave.

Në sistemin e mëparshëm, 10 skuadra kanë qenë të ndara në dy grupe A dhe B (nga 5 skuadra secili grup), ku pas ndeshjeve të zhvilluara në mes veti, skuadrat e fundit nga të dyja grupet eliminoheshin automatikisht, derisa katër skuadrat e parë nga grupet A dhe B, kalonin në fazën e dytë apo në TOP 8.

Tani me sistemin e ri, në grupin A do të jenë 4 skuadra, derisa në grupin B do të jenë 5 skuadra. Në fazën e dytë do të kualifikohen drejtpërdrejtë 3 skuadrat e para nga secili grup, derisa 3 skuadrat e mbetura (vendi 4 në grupin A dhe vendet 4, 5 në grupin B) do të luajnë lojë shtesë për të siguruar dy prej tyre fazën e dytë, derisa i treti do t’i jepte fund garave në Ligën Ballkanike për sivjet.

Në Ligën Ballkanike sivjet do të garojnë tre ekipe kosovare, Sigal Prishtina, Peja dhe Bashkimi.

Grupet në Ligën Ballkanike