BIBL 2014/15
Pamje arkiv, nga Final Four Prishtina 2014 në BIBL/ BOROZANI/Erdis Driza
Kozuv, me trajner te ri
30 June, 2014 @13:15
Skuadra maqedonase pjesëmarrëse në Balkan League, Kozuv, ka marrë trajner të ri për stinorin e ri.
Ish ndihmës trajneri i reprezentacionit U20 të Serbisë dhe ish trajneri i pjesëmarrësit të dikurshëm BIBL, OKK Beograd - Marko Icelic, është emëruar trajner i ri i ekipit nga Gjevgjelia, njofton faqja zyrtare e Balkan League.
Icelic është i mirënjohur në ligën ballkanike, pasi që kishte arritur që të sigurojë dy herë çerekfinalen me OKK Beogradin në këtë ligë në vitet 2010 dhe 2011.
Stinorin e kaluar trajner në fjalë kishte udhëhequr ekipin e Bosnjës, Leotar, derisa tash e tutje ai do të udhëheq Kozuvin që ka konfirmuar pjesëmarrjen në BIBL për stinorin e tretë me radhë.
Sigal Prishtina kishte mposhtur Kozuvin brenda dhe jashtë, derisa Peja e kishte fituar në Karagaç, por kishte pësuar në Gjevgjeli.
Kozuvi stinorin e kaluar ka përfunduar në vend të fundit të BIBL, duke regjistruar 5 fitore, krahas 11 humbjeve.
