Kryetrajner slloven te Prishtina

Pas njoftimit që Bujar Loci në pranverë do të jetë ndihmëstrajner i skuadrës, u krijuan dyshime për emërimin e një trajneri të huaj te KB Prishtina.

E klubi më i trofeshëm i basketbollit kosovar nuk la të presim gjatë.

TABELA AKTUALE

Përmes njoftimi në Facebook, Prishtina bëri të ditur që kryetrajner i ri i skuadrës do të jetë slloveni Teo Hojč. Hojč, 38 vjeçar, te Prishtina vjen nga klubi Levice (Sllovaki), klub te i cili qëndroi katër vite, gjatë të cilave fitoi titullin kampion në sezonin 2017/2018 dhe kupën në vitin 2019.

Para Levices, trajneri në fjalë kishte drejtuar edhe skuadra të ndryshme sllovene si Grosuplje, Krka II dhe Grosbasket.