DUELI I PAQËSORIT
Klay shkëlqen, Warriors mposht Lakersin
6 January, 2016 @9:15
Basketbollistët e kampionit aktual të NBA-së janë treguar të pamëshirshëm ndaj Los Angeles Lakersit, që po përjeton një stinor për tu harruar.
Të udhëhequr nga Klay Thompson, Warriors kanë mposhtur pa telashe Lakersin. Thompson ka shënuar 36 pikë në fitoren e 33-të të skuadrës, derisa atij i ndihmoi edhe i rikthyeri nga lëndimi, Steph Curry, që shtoi 17 pikë e 6 asistime, në 26 minuta sa ishte në parket.
Curry që është rikthyer nga lëndimi ka shfaqur brengat e tij dhe është pushuar nga trajneri i skuadrës në çerekun e fundit.
Te Lakers që tashmë ka regjistruar disfatën e 28 nga 36 ndeshje të zhvilluara, Jordan Clarkson, ka qenë më i dalluari me 23 pikë të shënuara.
