Kush do të organizojë turneun final të Kupës?

Federata e Basketbollit të Kosovës, sot ka shpallur konkurs për organizimin e turneut final të Kupës së Kosovës. 

Të drejtë kokurrimi kanë të gjithë personat juridik, që përmbushin kriteret e konkursit dhe dispozitat e parapara në Udhëzuesin për Organizim të Turenut Final të Kupës së Kosovës, ka njoftuar FBK-ja sot, në faqen zyrtare të saj. 

Fituesi i këtij konkursi do të nënshkruajë kontratë me FBK-në, derisa afati i fundit për të aplikuar është 20 shkurti, derisa ndeshjet e pjesës finale të Kupës do të zhvillohen nga 27 shkurti deri më 1 mars të këtij viti. 

Herën e fundit, Kupa e Kosovës ishte organizuar në Gjakovë, në palestrën Shani Nushi, ku Prishtina kishte mposhtur Bashkimin në finale të Kupës.