AMERIKANI I RADHËS
Peja regjistron edhe një përforcim
16 February, 2015 @12:45
Peja nuk ka të ndalur me përforcime. Skuadra verdhezi është raportuar të ketë regjistruar edhe një përforcim në skuadër para ndeshjes me Craiovën në Rumani.
Fjala është për amerikanin Dominique Wise, që vjen te ekipi i Boris Kurtovicit nga skuadra e ligës së dytë turke, ITU.
Wise 28 vjeç, është lojtar i pozitës 1, derisa më parë ka bërë karrierë edhe në Akhisar të Turqisë, pastaj Rosa të Polonisë, Juve Caserta të Italisë dhe Le Havre të Francës.
Së fundi, ai ka luajtur disa ndeshje me ekipin turk ITU, derisa ka pasur mesatare prej 19.4 pikëve, 6.1 asistimeve në 32 ndeshjet e stinorit të shkuar me Akhisarin.
Peja nesër mbrëma luan me Craiovan në Rumani
Video
Disa nga paraqitjet e Wise sa ishte në Francë
Dominique Wise, në promo videon e tij derisa ishte pjesë e Le Havre në Francë gjatë vitit 2011. Ai është përforcimi më i ri i Pejës.
