L. A. - Bron

Los Angeles Lakers tash e tutje mund të shpresoj në titull kampioni.

MARRËVESHJA E AFATGJATE

LeBron James, supermeni i basketbollit të sotëm, ka pranuar që të nënshkruajë kontratë 4 vjeçare me vlerë 154 milionë dollarë.

Los Angeles Lakers ka tashmë superyll - L. A. Bron.

Vetë lojtari para pak çastesh ka bërë të ditur se ka arritur marrëveshje me Lakersin, ku këta të fundit kërkojnë rrëzimin e Golden State Warriorsit nga froni.

TITULLI dhe KUJTIMET

Los Angeles Lakers ka 16 tituj kampioni në NBA dhe këtë gjë nuk po e arrin tashmë në tetë vitet e fundit.

LeBron James 33 vjeç në anën tjetër është në super-formë.

Ai prej se u kthye në shtëpinë e tij në Cleveland Cavaliers, për t’ia sjellë titullin, ka treguar edhe se mund të jetë njeri-ekip.

Do të mbetet në kujtim që luajti të gjitha ndeshjet e stinorit të rregullt, 82 sosh.

Prej rikthimit të tij, më së shumti do të mbahet në mend finalja e 2016.

Cavs arriti që deficitin 3-1 ta përmbys dhe me 4-3 të shpallet kampion i NBA-së, kur në ndeshjen e fundit LeBron ndoqi Andre Igoudalan për ta bllokuar në kundërsulm.

Asnjë ekip në histori të NBA-së nuk ka arritur të bëj rikthim prej disavantazhit 3-1. LeBron me Cavs, janë të parët në këtë.

Kjo është hera e dytë në karrierë që LeBron i thotë lamtumirë Clevelandit. Cavaliers ka përjetuar një titull kampioni me senzacionin nga Akroni të cilin e draftuan në vitin 2003.