LA mbetet nën “Magji”

Skuadra e Lakers, ende nuk arriti të stabilizohet edhe pas ardhjes së trajnerit Mike D’Antoni. Atyre i duhet një kohë të caktuar që të adaptohet skuadra në këtë sistem.

Kjo ishte ndeshja e parë e Dwight Howardit kundër ish skuadrës së tij. Skuadra vendase e humbi koncentrimin në dy minutat e fundit të ndeshjes. 

Këtë e shfrytëzoi mirë Orlando dhe arriti një fitore të madhe kundër Lakersit, edhepse nuk kanë bilanc të mirë të fitoreve. Aktori që shkëlqeu në qytetin e Hollywoodit ishte Arron Afflalo, i cili shënoi 30 pikë, 5 asistime dhe i bëri 5 kërcime. Afflalo luajti rol të rëndësishëm në fitoren e Orlando Magicut.

Ndërsa në anën tjetër Kobe Bryant, edhepse shënoi më shumë pikë se Afllalo, nuk arriti t’i ndihmojë shokëve të dorëzuar pak para fundit të ndeshjes.