Lakers deklason Warriorsat, lëndohet James

Me domimin total, skuadra e Lakersit e mposhti Golden State Warriorsin me rezultat 101-127 në Oracle Arena.

Ndeshja e shumëpritur nga shikuesit, përfundoi me një epërsi të lartë të Lakersave, edhe pse në letër nuk është pritur të jetë kaq e madhe diferenca.

Los Angeles Lakers, gjatë ndeshjes e ngriti epërsinë deri më 31 pikë, kurse Warriorsat në çerekun e tretë e zbritën epërsinë deri në dy pikë.

Kah fundi i çerekut të tretë, super ylli LeBron James, pësoi në zgjatje muskulare ku u detyrua që të largohet nga ndashja, derisa largimi i tij nuk ndikoi në lojën e djelmoshave të trajnerit Luke Walton dhe kështu e mposhtën kundërshtarin bindshëm.

Shtatë lojtarë te Lakersat shënuan pikë dyshifrore derisa prej tyre më së shumti pikë shënoi Ivica Zubac (18 pikë). LeBron James luajti vetëm 21 minuta, ku shënoi 17 pikë, i rëmbeu 13 kërcime dhe i bëri 5 asistime.

Te Warriorsat më i dalluari ishte Andre Igoudala me 23 pikë, derisa u ndihmua edhe nga Kevin Durant me 21 pikë të tjera, por nuk mjaftoi për fitore.

TABELA AKTUALE

Kjo ishte fitorja e 20 e stinorit për Lakersat krahas 14 humbjeve që i kanë dhe aktualisht gjenden në pozitën e katërt në Konferencën Perëndimore, derisa Golden State Warriorsat me 23 fitore e 12 humbje gjenden në pozitën e dytë, po në të njejtën Konferencë.