Largohet Cogo, paraqitet Coles

Skuadra ferizajase Kastrioti është duke tentuar çdo mundësi për të arritur fitore në Superligë. 

Pas ciklit të parë të përfunduar pa fitore, ekipi që po udhëhiqet nga ish kapiteni, Visar Xhemajli, ka paraqitur kërkesë në Federatën e Basketbollit të Kosovës për regjistrimin e amerikanit Stephen Coles, që luan në pozitën 3, në vend të Ervin Cogos, të cilin e ka ç‘regjistruar. 

Coles së fundi ka qenë lojtar i ëest Virgina në SHBA,  derisa luan në pozitën e alos dhe mund të ndihmojë edhe nën kosh për shkak të gjatësisë 202 centimetërshe. 

Ekipi aktual i Kastriotit

Me regjistrimin e tij në FBK, drejtuesit e klubit bardhekaltër që po lufton për mbijetesë në Superligë kanë larguar nga ekipi shqiptarin e maqedonisë, Ervin Cogo, që erdhi në fillim të stinorit te ekipi. 

Cogo, ka regjistruar mesatare prej 1.5 pikësh për ndeshje, 1.5 asistime dhe 0.3 vjedhje topi në ciklin e parë të ndeshjeve të Superligës. 

Gjendja e Kastriotit në tabelë të Superligës

“Dua ti falenderohem klubit të Kastriotit, kryesisë, trajnerit, lojtarëve dhe tifozëve por edhe tërë qytetit të Ferizajit për mundësinë që ma kanë dhënë të isha te Kastrioti sikurse në shtëpinë time dhe përkrahjen,” ka shkruar Cogo në llogarinë e tij personale në Facebook, pas vendimit të klubit. 

Kastrioti në xhiron e radhës do të luaj ndaj Trepçës si mysafire, derisa në ekip ka edhe tre amerikanë tjerë: Reuben Werber, Donald Lawes dhe Vincent Williams.