A DO TE LUAJE NE NDESHJEN E RADHES?
Foto: KBPeja/Korniza/fb
Lëndimi i Dendyt, Peja do të del me njoftim
9 May, 2021 @23:19
Në duelin e dytë të serisë finale ndaj Golden Eagle Yllit, Pejës iu lëndua amerikani Leron Dendy, që i mungoi shumë ekipit në pjesën e mbetur të lojës.
Golden Eagle Ylli mori epërsinë 2-0 në seri dhe tashmë para ndeshjes së tretë në Karagaç, ende nuk dihet nëse Dendy do të jetë në dispozicion të trajnerit Dragan Radovic.
Ndërsa, menjëherë pas ndeshjes faqja zyrtare e Pejës në Faceook ka bërë të ditur se shumë shpejt do të japin më shumë informata për lëndimin e lojtarit.
“Ndeshje shumë dramatike dhe problematike për tu fituar, po vërehet mungesa e lojtarëve kyç. Së shpejti ju njoftojnmë edhe rreth lëndimit të LaRon Dendy,” ka shkruar njoftimi i klubit pas humbjes së ndeshjes së dytë të serisë finale.
Ndër të tjera, në intervistën pas ndeshjes Radovic ka bërë të ditur se edhe playmakeri Leonard Mekaj ka luajtur më një lëndim sonte në këtë përballje.
Ndërkaq Dendy, derisa pësoi lëndimin, në 11-minutat e paraqitura në fushë shënoi 2 pikë.
