Leonard udhëheq mamuzat në fitore

Kawhi Leonard dhe LaMarcus Aldridge kanë qenë basketbollistët që kanë bërë dallimin në përballjen e natës ndërmjet Spurs dhe Clippers të zhvilluar në San Antonio. 

Leonard shënoi 20 pikë në fitoren 21 pikëshe të ekipit të tij ndërsa Aldridge shtoi 17 pikë të tjera. 

“Kur Kawhi dhe LaMarcus janë në lojë, ata e ndërrojnë kahjen. Banka rezervë mund ta sjellë fitoren, kjo është një gjë që na bën krejtve në ekip të ndihemi mirë,” ka thënë pas fitores argjentinasi i Spursit, Manu Ginobili. 

Kjo ka qenë fitorja e 33-të rresht e San Antonio Spursit këtë stinor në shtëpi, duke e barazuar atë të Orlando Magicut nga stinori 1995/96. 

Rekordin e fitoreve në shtëpi e ka Chicago Bulls, me 37 radhazi. 

Me këtë fitore Spurs ka bilanc 57-10 ndërsa Clippers 42-24.