CONSTANTINIDES - PARA NDESHJES
Pa humbje deri në fund të stinorit
15 March, 2016 @19:56
Pa marrë parasysh se ka siguruar kualifikimin dhe vendin e parë në grup, Sigal Prishtina, kërkon fitore nesër ndaj Pejës në “Karagaç”.
”Është një ndeshje e vështirë. Shumë e vështirë, por mendoj se do të shënojmë fitore. Ne duam të fitojmë në çdo ndeshje, andaj kështu do të jetë edhe kësaj radhe, pavarësisht faktit se ne tashmë e kemi siguruar vendin e parë në Grupin D dhe jemi kualifikuar për në gjysmëfinale. Ne duam të vazhdojmë me serinë pa asnjë humbje në vitin 2016,” ka thënë Constantinides para ndeshjes së nesërme.
Sigal Prishtina në vitin 2016 nuk ka pësuar asnjë humbje. Në të gjitha garat ka shënuar fitore duke i mposhtur të gjithë rivalët që i kanë dalë përpara.
