UEFA FUTSAL CUP
Liburni sot zhvillon ndeshjen e dytë
24 August, 2017 @14:11
Pas fitores së djeshme, Liburni sot e zhvillon ndeshjen e dytë në kuadër të raundit parakualifikues në UEFA Futsal Cup.
Skuadra gjakovare sot do të ndeshet me Titogradin, kampionin në fuqi të Malit të Zi, ndërsa ky takim fillon në ora 18:00.
Në rast të fitores, Liburni do të jetë shumë pranë kualifikimit për në ‘Main Round’ të UEFA Futsal Cup.
Përveç Liburnit, ndeshjen e dytë sot e zhvillon edhe Shkupi, i cili luan ndaj skuadrës malteze, Luxol St.Andrews. Njëjtë sikur Liburni, edhe Shkupi e filloi me fitore aventurën në UEFA Futsal Cup dje.
Sa i përket Flamurtarit nga Vlora, i cili dje pësoi humbje, takimin e dytë ky ekip e luan ndaj turqve të Arnavutkoy Beledyie Spor sot me fillim nga ora 19:00.
