BIBL
Llogaritje: Si kualifikohet Prishtina?
12 January, 2017 @22:15
Pas humbjes nga Kozuvi, Prishtinës i janë vështirësuar dukshëm gjasat për ta kaluar grupin në BIBL.
Nga llogaritjet e bëra, për t’u kualifikuar në fazën tjetër, kampioni në fuqi i Ballkan Ligës fillimisht duhet që të hënën ta mposht Bashkimin me së paku 12 pikë epërsi e më pas duhet ta mposht Kozuvin në Gjevgjeli.
Për më tepër, kualifikimi nuk është vetëm në dorën e Prishtinës. Ekipi nga kryeqyteti duhet të shpresojë që Bashkimi të mposhtet në përballje me Teodon në javën e fundit të edicionit të rregullt, si dhe Kozuvi nga Kumanova në xhiron e parafundit.
