DARDANI PARA NDESHJES
Luajmë për fitore
22 March, 2016 @15:45
Edhe Dardan Berisha sikurse trajneri Antonis Constantinides ka thënë se kësaj radhe nuk do të jetë njejtë në përballjet që do t’i kenë me Beroen.
Prishtina ishte takuar me Beroen në grup gjatë fazës grupore, por tash në gjysmëfinale është muhabet tjetër.
“Beroe jo rastësisht është renditur në gjysmëfinale të garës. Së fundi në ligën e vetë ata kanë mposhtur liderin Lucoil Academic dhe zë vendin e tretë. Fakte këto që nuk guxojmë t’i anashkalojmë,” ka thënë Dardan Berisha në një prononcim të tijin për faqen zyrtare të FBK-së sot.
“Shumë është me rëndësi si do të paraqitemi në ndeshjen e parë. Ne kemi përvojë nga kjo garë dhe besoj se do të nxjerrin rezultat pozitiv në ndeshjen e parë,” ka shtuar lojtari më i mirë i Prishtinës dhe MVP i stinorit të kaluar në BIBL.
Sigal Prishtina nuk ka pësuar asnjëherë gjatë vitit 2016 ndërsa përballja zhvillohet nesër në palestrën “Obshtinska” të Stara Zagorës në Bullgari.
