Luftën e fitoi Bostoni

Të dyja skuadra ishin në formë shumë të mirë. Denver Nuggets erdhi në TD Garden me një seri prej nëntë fitoreve, ndërsa Boston Celtics, pas lëndimit të Rajon Rondos ende nuk e shijoi humbjen, duke shkuar në seri prej 6 fitoreve radhazi.

Keltët fitoren e shtatë me radhë arritën pas tre vazhdimeve duke fituar me rezultat 118-114, me ç‘rast ia përfunduan edhe serinë pozitive të Denver Nuggetsit.

Të gjithë menduan se ndeshja do të luhej deri në mëngjez, por me ndihmën e Paul Pierce, i cili arriti të realizoj triple-double me 27 pikë, 14 kërcime dhe 14 asisitme, e regjistruan fitoren e radhës.

Në anën tjetër Ty Lawson luajti me 29 pikë e nëntë asistime.

Bostoni ka bilancë prej 27 fitoreve e 23 humbjeve në Konferencën Lindore, ndërsa Denver Nuggets e humbi pozitën e katërt në Konferencën Perëndimore, me 33 fitore e 19 humbje.