Me angazhim maksimal, vjen Kupa

Basketbollisti i Pejës, Drilon Hajrizi, mendon se ekipi i tij me angazhim të madh do të mund të arrijë të fitojë trofeun e parë për këtë vit. 

Peja ndeshet me Sigal Prishtinën në finale të Kupës së Kosovës, ndërsa në dy vitet e fundit këtë trofe e kanë fituar bardhekaltërit. 

“Do të angazhohemi maksimalisht në finalen e së dielës. Shpresoj që me lojë të mirë të arrijmë të fitojmë Kupën e Kosovës,” është cituar të ketë thënë për Zërin njëri ndër basketbollistët më të dalluar të ekipit pejan, Hajrizi. 

Drilon Hajrizi si basketbollist trofetë e fundit i ka fituar me Trepçën në stinorin 2011/12, kur ekipi mitrovicas fitoi kurorën e dyfishtë në basketbollin vendor. 

Sonte ai kërkon trofeun e parë të tij me verdhezinjtë.