TRIUMF I VUSHTRRIASVE
Me fitore, Vushtrria mbanë hapin në rrugë për Superligë!
27 November, 2024 @19:26
Ekipi i drejtuar nga Armend Dallku, Vushtrria, ka shënuar fitore të radhës sot në Ligë të Parë - Grupi B, duke e mposhtur Fushë Kosovën e drejtuar nga Emin Bajrami, për të mbajtur hapin në luftë direkte për Superligë me Prishtinën e Re lidere.
Vushtrria shënoi fitore me rezultat 2-0 [Bujar Shabani 45’+2, Daut Maxhuni 60’] me golin e mesfushorit Bujar Shabani krejt në fund të pjesës së parë dhe të kapitenit Maxhuni që vulosi fitoren 15 minuta pasi që kishte nisur pjesa e dytë e ndeshjes.
Vushtrria mbyll pjesën vjeshtore të stinorit me 30 pikë nga 14 ndeshje, në pozitë të dytë të renditjes tabelare, ndërkaq Fushë Kosova është pranë zonës së rënies me 11 pikë nga 14 ndeshje, në pozitë të tetë.
