LIPJANI NIKOQIR I DERBIT MITROVICAS
Derbi mitrovicas, luhet në Lipjan
26 November, 2024 @14:03
Përballjet e fundit për këtë vit në Ligë të Parë të Kosovës zhvillohen të mërkurën, më 27 nëntor. Të gjitha ndeshjet, si ato të Ligës së Parë - Grupi A ashtu edhe ato të Ligës së Parë - Grupi B do të luhen atë ditë dhe të gjitha nisin në kohë të njëjtë, në ora 13:00.
Ndërkaq, njëra ndër ndeshjet interesante të Grupit A të Ligës së Parë, ajo ndërmjet Trepçës dhe Trepçës’89 do të luhet në Lipjan. Në këtë ndeshje Trepça është vendase, ndërkaq ekipi në fjalë që luan ndeshjet zakonisht në “Xhevat Jusufi” që është i rrethuar me tela dhe përbëhet nga bari sintetik, ka vendosur si duket që këtë përballje të madhe ta luajë në stadium ku ka mundësi që mbushet me tifozë.
Si duket për këtë, ndeshja Trepça-Trepça’89 është vendosur që të zhvillohet në “Sami Kelmendi” të Lipjanit. Aktualisht, të dyja skuadrat janë në luftë për Superligë, ndërsa Trepça është e dyta në renditje me 25 pikë, kurse Trepça’89 e katërta me 22 sosh.
