SHORTI I RRETHIT TË DYTË
Caktohet termini për shortin e rrethit të dytë të Kupës së Kosovës
26 November, 2024 @10:53
FFK ka përcaktuar terminin për hedhjen e shortit për rrethin e dytë të Kupës së Kosovës. Në rrethin e dytë të Kupës së Kosovës siç dihet, futen edhe ekipet nga Superliga dhe Liga e Parë, pasi që në rrethin e parë garojnë vetëm skuadrat e ligave të ulëta.
FFK gjithashtu ka bërë të ditur se ka ndarë në vazon një dhe vazon dy skuadrat, nga 32 sa do të jenë në short. Kështu, ekipet e Superligës dhe tre vendet e para nga secili grup i Ligës së Parë, janë në vazon e parë, ndërsa në vazon e dytë janë të tjerët, ku bëjnë pjesë fituesit e rrethit të parë nga Liga e Dytë dhe e Tretë.
Përndryshe, të premten më 29 nëntor me fillim prej orës 13:00 në zyret e FFK-së në Prishtinë, do të bëhet tërheqja e shortit ku do të përcaktohen skuadrat që do të luftojnë për të arritur në rrethin e tretë.
