SIGKOS BASHKIMI
Me Hortonin kundër Pejës
6 December, 2012 @18:03
Edhe Sigkos Bashkimi tani është me tre basketbollistë të huaj. Portokallët kanë arritur marrëveshje me amerikanin, Jermont Horton, i cili pritet të mbërrij nesër në Prizren.
Horton luan në pozitën e fundorit dhe është 198 centimetra i gjatë. Ai stinorin e kaluar ka luajtur për skuadrën e ligës së dytë të Turqisë, Baskent Gençlik, ku ka pasur mesatare prej 7.1 pikëve dhe 2.4 kërcimeve për 16 ndeshje sa ka luajtur.
Bashkimi ndeshjen e radhës do të luaj kundër Pejës në palestrën Sezai Surroi. Ndeshja do të luhet të dielën më 9 dhjetor, ku edhe pritet debutimi i amerikanit 29 vjeçar, Horton.