Më të mirët e BIBL, sipas statistikave

Basketbollisti i Sigal Prishtinës dhe lojtari më i mirë në Superligën e Kosovës në dy stinorët e fundit, Dardan Berisha, është lojtari më efikas në Balkan League. 

Dardani e Samiri - snajperë

Basketbollisti i Sigal Prishtinës, ka përfunduar pjesën e parë të fazës grupore me mesatare prej 29 pikëve për ndeshje, duke lënë pas tij Aleksandar Kostoskin e Kumanovës me 24.3 pikë për ndeshje. 

Përveç Berishës, te koshashënuesit më efikas, bën pjesë edhe verdheziu, Samir Shaptahovic. Playmakeri i Pejës ka mesatare prej 21.5 pikësh për ndeshje dhe zë pozitën e tretë te lista e koshashënuesve më të mirë të garës. 

Si përfundoi pjesa e parë?

Balkan League ka përfunduar pjesën e parë të ndeshjeve, ndërsa nga java e ardhshme fillojnë ndeshjet e kthimit në grupe. 

Sigal Prishtina ka përfunduar e dyta në Grupin B, pas Kozuvit me bilanc të qindpërqindtë, prej të cilëve edhe ka humbjen e vetme. 

Në anën tjetër, Peja është në pozitën e katërt të Grupit A, me bilanc të njejtë sikurse edhe Sutjeskta, 2-2. Kumanova dhe Rilski janë liderë të grupit ku bën pjesë Peja. 

Dy ekipet e vetme ende pa fitore në të dy grupet e BIBL, janë: Teodo e Tivatit dhe Vllaznia e Shkodrës. Vllaznia është debutuese në këtë garë këtë stinor. 

Ndeshjet e kthimit nisin javën tjetër

Qendra boshnjake e Sigal Prishtinës, Edin Bavcic, është i dyti te kërcyesit më të mirë të ligës ballkanike, derisa te asistimet nuk bën pjesë asnjë lojtar i ekipeve kosovare. 

Sa i përket produktivitetit në lojë, aty lider është Aleksandar Kostoski i Kumanovës, me koeficientin 25, derisa pas tij vjen menjëherë Samir Shaptahovic me 24 dhe Dardan Berisha me 21.8. 

Më 9 dhjetor nis pjesa e dytë e fazës grupore të BIBL, derisa Prishtina udhëton në Shkodër, Peja i shkon Kumanovës së fortë. 

(Statistikat janë marrë nga faqja zyrtare e Balkan League)

Liderët statistikorë në BIBL, pas fundit të fazës së parë grupore: