Vëllaznimi me 100-she ndaj Kastriotit

Vëllaznimi ka arritur të shënojë fitore të lehtë ndaj Kastriotit sot në palestrën Shani Nushi. 

Ndeshja u këput nga Vëllaznimi në çerekët dy dhe tre

Ekipi i Jeton Nixhës, ka qenë tërësisht i barabartë në çerek të parë të lojës, ndaj mysafirëve nga Ferizaji, mirëpo në çerekun e dytë ata krijuan epërsi të nevojshme për pushim të rehatshëm. 

Edhe çereku i tretë kaloi në dominim të Vëllaznimit, derisa dhjetë minutëshi i fundit kaloi me lojë të barabartë sa për të përcaktuar rezultatin përfundimtar dhe fitoren e katërt të gjakovarëve në Superligë. 

Kjo ka qenë ndeshja e parë e ekipit kuqezi nga Gjakova, ku kanë arritur shifrën e 100 pikëve të shënuara. 

Brooks, dallohet te gjakovarët

Amerikani i vetëm në radhët e gjakovarëve, Phil Brooks, ka qenë më i dalluari i ndeshjes sonte duke shënuar double-double prej 22 pikëve dhe 12 asistimeve. 

Atij i ndihmuan edhe Dino Hodzic (gjithashtu double-double), pastaj Mario Hajdic dhe Korab Prekazi (nga banka) - të gjithë me pikë dyshifrore. 

Te Kastrioti, përkundër mundit të madh për të arritur më shumë, e që nuk e arritën, u dalluan: Donald Lawes dhe Stephen Coles me nga 23 pikë të shënuara, derisa ky i pari shtoi edhe 11 kërcime për të përfunduar ndeshjen me double-double. 

Vëllaznimi përforcohet në pozitë të pestë, derisa Kastrioti vazhdon të jetë i fundit në tabelë. 

REZULTATET, TABELA AKTUALE

Statistikat ekipore:

	Vëllaznimi	Kastrioti
Çereku i parë	18	16
Çereku i dytë	28	16
Çereku i tretë	24	17
Çereku i katërt	30	29
Kërcime	23	25
Asistime	32	18
Bllokada	1	9
Topa të vjedhur	3	0
Tentime për tre pikë	10/24	6/16
Tentime nga loja	41/76	27/45
Tentime nga gjuajtjet e lira	8/9	18/30

Statistikat individuale te Vëllaznimi

1	Phill Brooks	22 pikë	12 asistime	2 kërcime
2	Dino Hodzic	19 pikë	12 kërcime	6 asistime
3	Marijo Hajdic	15 pikë	4 asistime	1 kërcim
4	Korab Prekazi	13 pikë	2 kërcime	2 asistime
5	Besnik Azemi	9 pikë	2 asistime	1 kërcim
6	Qëndrim Ajazaj	7 pikë	2 asistime
7	Driton Rraci	6 pikë	1 kërcim
8	Imer Tahiri	5 pikë	1 kërcim	1 asistim
9	Genti Zeka	2 pikë	2 kërcime	2 asistime
10	Leutrim Berisha	2 pikë	1 kërcim

Statistikat individuale te Kastrioti

1	Donald Lawes	23 pikë	11 kërcime	2 asistime
2	Stephen Coles	23 pikë	5 kërcime	4 asistime
3	Vincent Williams	14 pikë	3 asistime	1 kërcim
4	Hysen Sadiku	8 pikë	2 asistime
5	Gent Shabani	4 pikë	4 kërcime	3 asistime
6	Armend Jashari	3 pikë	3 asistime	1 kërcim
7	Reuben Werber	3 pikë	3 kërcime