HEAT-NETS
Miami fiton me lehtësi
7 May, 2014 @11:46
Brooklyn Nets për Miami Heatin gjatë stinorit të rregullt ishte si një ëndërr e keqe. Mirëpo, në ndeshjen e parë të gjysmëfinaleve, Rrjetat e Brooklynin u shkyen për herë të parë këtë stinor nga Nxehtësia e Miamit.
Miami, e mposhti kundërshtarin me lehtësi, 107-86, ku në rol kryesor ishte LeBron James me 22 pikë, 5 kërcime e 3 asistime, derisa u ndihmua edhe nga Ray Allen me 19 sosh.
Ndërsa në anën tjetër, Joe Johnson dhe Deron Williams, shënuan me nga 17 pikë secili, por nuk mjaftuan për ta mposhtur për herë të pestë, Miamin në këtë stinor.
LeBron James pas ndeshjes deklaroi se, gjëja më pozitive ishte ritmi i tyre i shënimeve, të cilët ia shuan vullnetin e kundërshtarit.
Ndeshja e radhës, do të luhet përsëri tek Miami, më 10 maj.
Video
Miami-Brooklyn
