MIAMI 4-1 NETS
Arrijnë finalen e Konferencës
15 May, 2014 @11:50
Dominimi i Miami Heatit në Konferencën e Lindjes, po vazhdon edhe sivjet. Kampioni aktual, ndeshjen ku ishin 8 pikë në disavantash, arritën ta kthejnë në të mirë të tyre dhe ta mposhtin kundërshtarin me rezultat 96-94, për të bërë rezultatin e përgjithshëm 4-1 në seri.
LeBron James si zakonisht ishte më i miri me 29 pikë, 9 kërcime e 5 asistime, derisa u ndihmua edhe nga partneri i tij Dwyane Wade me 28 pikë, kurse 34 pikët dhe 7 kërcimet e Joe Johsonit, nuk mjaftuan për ta vazhduar serinë.
Miami për të katërtën herë rresht, arriti të kualifikohet në finale të Konferencës Lindore dhe në dy vitet e fundit po shpallet kampion në NBA.
Ndërsa kundërshtari i tyre, do të jetë nga dueli Indiana-Washington, ku rezultati në seri është 3-2 në të mirë të Indianës aktualisht.
Video
Heat-Nets
