Mposhtin Besën, me mendje te Prishtina

Nënkampionja e Kosovës, Peja, ka arritur që të shënojë fitore të lehtë ndaj Besës në derbin e qytetit më Perëndimor të Kosovës. 

Fillimi i mirë i ndeshjes nga verdhezinjtë, ku pejanët diktuan tempon, bëri që Boris Kurtovic, të shënojë fitore të radhës ndaj ish ekipit të tij (Besa, stinori i kaluar) për të qenë gati për përballjen më të rëndësishme që vjen xhiron e radhës, ndaj Prishtinës.

Kurtovic shfrytëzon të gjithë basketbollistët

Koshashënuesi më i mirë i takimit ishte mjeshtri Samir Shaptahovci, që shënoi 22 pikë dhe bëri 4 asistime në fitoren e radhës për Pejën, derisa atij i ndihmoi mjaft edhe Drilon Hajrizi me 21 pikë e 3 asistime. 

Përveç dyshes së përmendur, Gerti Shima e Jan Mocnik kanë qenë afër double-double’it sonte, ku të parit i mungoi një kërcim krahas 14 pikëve të shënuara, derisa sllovenit, një asistim krahas 10 pikëve. 

Simovic e Hajdari, duken gati

Alban Veseli dhe Hrvoje Puljko janë pushuar para derbit me Sigal Prishtinën sonte, derisa të gjithë basketbollistët verdhezi kanë marrë vizë për lojë sonte nga Kurtovic ndaj Besës. 

Teo Simovic, qendra kroate e rikthyer në Pejë, duket se po përmirësohet çdo ditë e më shumë. Ai ka pasur 25 minuta të kaluara në parket, ku ka kontribuuar me 15 pikë impresive. E prej bankës pejane kanë ardhur 20 pikë ndihmë për pesëshen e parë, ku Arti Hajdari shënoi 10 pikë ndaj ish ekipit të tij. 

Përqindja e ulët

Te Besa, e tërë pesëshja e parë e ekipit ka shënuar pikë dyshifrore, derisa më efikasi ka qenë Arian Qallaku me 20 pikë, por ai ka pasur shut katastrofal për tre pikë sonte, duke shënuar vetëm një nga 8 tentime. 

Kapiteni Beqë Kovaqi ka shënuar 17 pikë, derisa ka qenë më produktiv për ekipin sesa basketbollistët tjerë në ekipin e tij. 

Peja me bilanc 7-1 pret Sigal Prishtinën xhiron që vjen, derisa Besa (2-6) Bashkimin. 

REZULTATET, TABELA AKTUALE

Statistikat ekipore:

	Besa	Peja
Çereku i parë	20	27
Çereku i dytë	21	27
Çereku i tretë	17	20
Çereku i katërt	21	28
Kërcime	33	36
Asistime	21	27
Bllokada	0	0
Topa të vjedhur	6	10
Topa të humbur	17	15
Tentime për tre pikë	4/19	14/34
Tentime nga loja	29/66	39/70
Tentime nga gjuajtjet e lira	17/27	10/19

Statistikat individuale te Besa

1	Arian Qallaku	20 pikë	6 kërcime	3 asistime
2	Beqë Kovaqi	17 pikë	5 kërcime	2 asistime
3	Shawntez Patterson	12 pikë	7 kërcime	4 asistime
4	Manny Richardson	12 pikë	6 kërcime	1 asistim
5	Umar Shannon	11 pikë	5 asistime	3 kërcime
6	Dominique Scales	5 pikë	4 kërcime	2 asistime
7	Dion Basha	2 pkë	1 kërcim	1 asistim

Statistikat individuale te Peja

1	Samir Shaptahovic	22 pikë	7 kërcime	4 asistime
2	Drilon Hajrizi	21 pikë	7 kërcime	3 asistime
3	Teo Simovic	15 pikë	4 kërcime	3 asistime
4	Gerti Shima	14 pikë	9 kërcime	2 asistime
5	Jan Mocnik	10 pikë	9 asistime	1 kërcim
6	Arti Hajdari	10 pikë	4 kërcime	1 asistime
7	Rron Grapci	6 pikë	3 kërcime	2 asistime
8	Vigan Radoni	4 pikë	2 asistime