Ndërpritet seria

Ndeshja e parë e Pejës nën drejtimin e trajnerit të ri Slobodan Savovic, përfundoi me humbje. Verdhezinjtë u mposhtën në Rumani nga skuadra Craiova me rezultat 85-75.

Çereku i parë i ndeshjes kaloi në baraspeshë, me një epërsi të lehtë të vendasve, duke përfunduar me rezultat 20-19.

Çerekun e dytë pejanët e nisën mirë duke kaluar në epërsi me trepikëshin e Mario Edwards, mirëpo më pas pasoi seria 7-0 e Craiovës për rezultatin 27-22.

Trepikëshi i Drilon Hajrizit edhe tre minuta para fundit të kësaj periudhe e kaloi Pejën edhe një herë në epërsi (38-40), por në fund rumunët përsëri me një seri të shpejtë e përmbyllën ate 49-43 në të mirë të tyre.

Në minutën e pestë të çerekut të tretë, Craiova e krijoi epërsinë më të thellë në lojë (12) me pikët e amerikanit Seals për rezultatin 64-52, ndërsa në fund çereku i tretë përfundoi me rezultat 68-58.

Nervozizmi në lojë u ngrit në maksimum gjatë dhjetëminutëshit të fundit të lojës, derisa nuk munguan as provokimet nga ana e basketbollistëve rumunë, madje Popescu edhe u diskualifikua nga loja pas gabimit teknik.

Këtë e shfrytëzoi mirë skuadra e Pejës duke shënuar katër herë radhazi nga gjuajtjet e lira me anë të Samir Shaptahovicit, mirëpo epërsia e Craiovës ishte e pa arritshme dhe në fund ndeshja përfundoi me rezultat 85-75.

Samir Shaptahovic dhe Teo Simovic ishin koshashënuesit më të mirë të ndeshjes me nga 24 pikë secili, kurse te Craiova, Travis Bureau ishte më i dalluari me 22 pikë të shënuara.

Kjo humbje i dha fund serisë prej katër fitoreve rresht të Pejës dhe tani verdhezinjtë kanë bilanc prej 6 fitoreve dhe 6 humbjeve në Balkan League duke u renditur në vendin e pestë të radhitjes tabelare.

Rezultatet dhe tabela aktuale.

Statistikat ekipore

	Craiova	Peja
Çereku i parë	20	19
Çereku i dytë	29	24
Çereku i tretë	19	15
Çereku i katërt	17	17
Kërcime në mbrojtje	29	22
Kërcime në sulm	8	12
Gjithsej kërcime	37	34
Asistime	17	11
Bllokada	9	4
Topa të vjedhur	9	12
Topa të humbur	18	13
Tentime për tre pikë	5/19	5/25
Tentime nga loja	32/63	24/75
Tentime nga gjuajtjet e lira	16/17	22/29

Statistikat individuale te Craiova

1	Le Var Cortez Seals	14 pikë	4 kërcime	3 asistime
2	Sten Sokk	8 pikë	8 asistime	4 kërcime
3	Mirko Kovac	13 pikë	4 kërcime	3 asistime
4	Andrei Capusan	8 pikë	2 kërcime	2 asistime
5	James Tyler	8 pikë	13 kërcime
6	Travis Bureau	22 pikë	7 kërcime	2 topa të vjedhur
7	Bogdan Popescu	6 pikë	3 kërcime
8	Petar Babic	6 pikë	1 asistim	2 topa të vjedhur

Statistikat individuale te Peja

1	Samir Shaptahovic	24 pikë	5 kërcime	3 asistime
2	Teo Simovic	24 pikë	7 kërcime
3	Fred House	7 pikë	7 kërcime	5 topa të vjedhur
4	Drilon Hajrizi	5 pikë	4 kërcime	2 asistime
5	Mario Edwards	5 pikë	3 asistime	2 kërcime
6	Gerti Shima	5 pikë	1 kërcim	1 top i vjedhur
7	George Odufuwa	2 pikë	1 kërcim	1 asistim
8	Ersid Ljuca	2 pikë	4 kërcime
9	Rron Grapci	1 pikë	3 kërcime	1 top i vjedhur