FINALJA
Pamje nga finalja e stinorit të shkuar ku Prishtina kishte mposhtur Pejën 3-0 në seri/ BOROZANI/Erdis Driza
Ndeshja e parë finale, të dielën
7 May, 2015 @12:28
Pas fitores së mbrëmshme ndaj Yllit, Sigal Prishtina me rezultat të përgjithshëm 3-0 ka arritur të plasohet në finale të Play-Offit të Superligës.
Bardhekaltërit do t’ia nisin të dielën misionit për mbrojtje të titullit kampion të Kosovës në duel ndaj Pejës.
Ekipi prishtinas ka paralajmëruar sot se ndeshja e parë finale luhet të dielën në Pallatin e Rinisë dhe të Sporteve.
Gjithashtu, Prishtina ka përfunduar marrëveshjen me Julius Coles dhe Demontez Stitt dhe tashmë në finale ndaj Pejës do të ketë në dispozicion përveç lojtarëve vendorë edhe këta të huaj: Bojan Trajkovski, Edin Bavcic, Jordan Hulls dhe Julian Mavunga.
Prishtina ka humbur finalen e Kupës së Kosovës në basketboll ndaj Pejës në Final Fourin e zhvilluar muaj më parë në Suharekë.
Ndërsa në përballjet e stinorit të rregullt skuadrat kanë shënuar fitore si vendase duke dalë 2-2 në fund të stinorit.
