ARMANDO SADIKU
Ndeshja e pestë rresht me gol për Sadikun
12 March, 2017 @19:10
Forma e mirë e sulmuesit kuqezi, Armando Sadikut, ka vazhduar edhe këtë javë.
Futbollisti elbasanas ka shënuar sot në ndeshjen Thun-Lugano, mirëpo ky gol nuk ka mjaftuar që skuadra e tij, Lugano, t’i shmanget humbjes me rezultat 5-2.
Sadiku shënoi golin e fundit të ndeshjes në minutën 88’, ndërsa u asistua nga futbollisti tjetër shqiptar që ka nënshtetësi maqedonase, Ezgjan Alioski.
Ky i fundi ishte asistues edhe i golit të parë të Luganos.
Kjo është ndeshja e pestë rresht që Sadiku po shënon gol.
