Nënkryetari i UEFA-së, falenderon FFK-në për pritje

Në prag të ndeshjes Kosova-Spanja, kreu i FFK-së Agim Ademi është takuar me kreun e Federatës spanjolle, Luis Rubiales.

Rubiales, që njëherit është edhe nënkryetar i UEFA-së ka pasur fjalë të mira dhe ka falenderuar FFK-në për pritjen si dhe mikpritjen që kanë gjetur në vend akomodimin e tyre, derisa ekspedita spanjolle është e kënaqur me kushtet.

ORARI I NDESHJEVE dhe TABELA AKTUALE

“Ai ka thënë se e gjithë ekspedita spanjolle janë shumë të kënaqur me kushtet e akomodimit në hotel, por edhe me pritjen dhe dashamirësinë e njerëzve me të cilët janë takuar,” ka bërë të ditur FFK-ja pas takimit të krerëve të futbollit në vendet përkatëse.

Ndeshja Kosovë – Spanjë zhvillohet sonte në stadiumin “Fadil Vokrri” në orën 20:45, derisa 10 përqind e kapacitetit të stadiumit do të jetë në shfrytëzim.