BASHKIMI
BOROZANI/ Dren Shporta
Ngjallet Bashkimi, vjen fitorja e parë
2 March, 2016 @19:26
Drama në qytetin e Tivatit të Malit të Zi, i ka takuar skuadrës së Bashkimit.
Djelmoshat e trajnerit Petar Mijovic, kanë shënuar fitoren e parë në fazën e dytë të Ligës Ballkanike, për t’i mbajtur gjallë shpresat për kualifikim.
Fitorja e prizrenasve erdhi sidomos pas lojës së mirë në çerekun e katërt, në të cilin së pari u shkri disavantazhi, e më pas edhe u krijua epërsia e mjaftueshme për fitore.
Në 25 sekondat e fundit të takimit, kur rezultati ishte 76-78 për Bashkimin, Tay Waller ishte në vijën e gjuajtjeve të lira, duke shënuar të dyja tentimet për 76-80.
Kjo e rahatoi tejmase ekipin e portokalltë, i cili në akcionin e radhës të vendasve u tregua e vëmendshme në mbrojtje, derisa Rokas Uzas dhe më pas përsëri Waller shënuan edhe nga një gjuajtje të lirë për ta vulosur përfundimisht fatin e këtij takimi.
Më i miri në fitoren e Bashkimit ishte Tay Waller që shënoi 19 pikë, derisa kontribut të çmueshëm dhanë edhe Theron Bussey me 18 pikë dhe Rokas Uzas me 17 pikë të shënuara.
Në anën tjetër, amerikani Manuel Johnson ishte më i dalluari te Teodo duke shënuar double-double prej 23 pikë e 11 kërcimeve.
Vlen të ceket se për Bashkimin në këtë ndeshje nuk u paraqit fare basketbollisti kryesor i skuadrës, Marcel Jones, i cili u largua ditë më parë nga skuadra.
Përveç fitores së parë të Bashkimit, kjo ishte njëkohësisht edhe humbja e parë e Teodos.
Statistikat ekipore
| TEODO | BASHKIMI | ||
| Çereku i parë | 15 | 17 | |
| Çereku i dytë | 23 | 25 | |
| Çereku i tretë | 22 | 12 | |
| Çereku i katërt | 16 | 28 | |
| Kërcime | 31 | 30 | |
| Asistime | 19 | 13 | |
| Bllokada | 1 | 2 | |
| Topa të vjedhur | 7 | 8 | |
| Topa të humbur | 20 | 16 | |
| Tentime për tre pikë | 13/35 (37%) | 13/34 (38%) | |
| Tentime për dy pikë | 12/25 (48%) | 17/26 (65%) | |
| Gjuajtje të lira | 13/15 (86%) | 9/13 (69%) |
Statistikat individuale te Teodo
| 1 | Manuel Johnson | 23 pikë | 11 kërcime | 2 asistime |
| 2 | Nikola Vucurovic | 15 pikë | 1 kërcim | - |
| 3 | Radomir Marojevic | 11 pikë | 2 kërcime | 2 asistime |
| 4 | Milos Djurisic | 9 pikë | 5 kërcime | 1 asistim |
| 5 | Aaron Mitchell | 9 pikë | 3 kërcime | 8 asistime |
| 6 | Nemanja Arsic | 3 pikë | 6 kërcime | - |
| 7 | Srdjan Subotic | 2 pikë | 3 asistime | - |
| 8 | Milos Krivokapic | 2 pikë | 1 kërcim | 3 asistime |
| 9 | Petar Saric | 2 pikë | - | - |
Statistikat individuale te Bashkimi
| 1 | Tay Waller | 19 pikë | 5 kërcime | 2 asistime |
| 2 | Theron Bussey | 18 pikë | 6 kërcime | 5 asistime |
| 3 | Rokas Uzas | 17 pikë | 9 kërcime | 1 asistim |
| 4 | Andi Shehu | 12 pikë | 4 kërcime | 1 bllokadë |
| 5 | Granit Rugova | 9 pikë | 2 kërcime | 3 asistime |
| 6 | Imer Tahiri | 3 pikë | 1 asistim | - |
| 7 | Endrit Hysenagolli | 2 pikë | 4 kërcime | 1 asistim |
| 8 | Qëndrim Biraj | 2 pikë | - | - |
