LIGA E PARË
Nis stinori pranveror në Ligën e Parë
24 January, 2019 @13:52
Të shtunën nis stinori pranveror në Ligën e Parë të meshkujve në basketboll.
Vushtrria e Kerasan Prishtina, do ta hapin pjesën e dytë të stinorit të shtunën me fillim nga ora 12:00, derisa United Basketball pret Vëllaznimin (17:00) në Gjilan, kurse Drita Don Boskon (19:00).
Të dielën në ora 14:00 do të përballen Istogu me Penzën dhe Prishtina e Re me liderin Feronikeli.
Pjesën e parë të stinorit Feronikeli e mbylli pa asnjë humbje në krye të tabelës, derisa performancë të mirë tregoi edhe skuadra gjakovare Vëllaznimi, i cili pësoi vetëm një herë në nëntë ndeshje nga Feronikeli.
