Nuk është lehtë, por jemi optimistë

Trajneri i Pejës, Boris Kurtovic, ka fituar njëherë titullin kampion të Kosovës, dekadë më parë, duke e mposhtur në finale Prishinën, me atëherë ekipin e Dukagjinit në kudaër të LPBK-së. 

Së fundi, ai ka arritur të mposht Prishtinën në finalen e Kupës së Kosovës, muajin e kaluar. 

Gjatë stinorit të rregullt, Prishtina mposhti Pejën dy herë në Prishtinë thellë, ndërsa Peja Prishtinën në Karagaç, gjithashtu dy herë. 

Kësaj, radhe Kurtovic kërkon maksimumin nga lojtarët, derisa thotë që është optimist. 

“Ne jemi të gatshëm për këtë ndeshje dhe pres nga lojtarët e mi që të japin maksimumin. Besoj se nuk do të mungoj angazhimi nga ana e tyre dhe kjo është ajo që kërkoj nga ata. Kemi humbur dy herë bindshëm nga Prishtina, por kjo nuk guxon të ndodhë në finale. Nuk do të jetë lehtë. Natyrisht si trajner duhet të jem optimist. Por, këto janë finale dhe duhet të shkojmë ndeshje pas ndeshje. Finaleve nuk u dihet kurrë dhe shpresoj se nuk do të kemi lëndime, që është shumë e rëndësishme,” ka thënë trajneri kroat i Pejës për faqen zyrtare të Federatës së Basketbollit të Kosovës para ndeshjes së parë finale që luhet sonte në Pallatin e Rinisë dhe të Sporteve me fillim nga ora 20:30. 

Në total, këtë stinor nga 5 përballje Peja ka mposhtur Prishtinën tre herë, derisa ka regjistruar dy humbje. 

Titullin kampion e fiton ekipi që arrin 3 fitore së pari nga 5 ndeshje në serinë vajtje-ardhje.