Nuk mjaftuan as 42 pikët e Mossit

Me pesë fitore të shënuara dhe shtatë humbje, Bashkimi ka përfunduar stinorin e rregullt të BIBL dhe do të merr pjesë në Play-Off të kësaj lige për të kërkuar një vend në Final Four.

As 42 pikët e shënuara nga playmakeri Aaron Moss nuk i kanë mjaftuar Bashkimit sonte për fitore ndaj Levskit në Sofje, në përballjen që portokallezinjtë u mposhtën 98-86.

TABELA AKTUALE E BIBL

Mos shënoi gati 50% të pikëve të ekipit prizrenas, ndërsa shtoi edhe 12 kërcime e 5 asistime në ndeshje. Përveç tij, vetëm edhe kapiteni Qëndrim Biraj ka shënuar pikë dyshifrore për Bashkimin sonte, 14.

Në anën tjetër, te Levski gjashtë lojtarë përfunduan takimin me pikë dyshifrore, ndërsa më efikasi ka qenë Darryl Bryant me 16, e pas tij janë renditur Nemanja Milosevic me 13 dhe përforcimi i fundit, Omari Gudul me 13 të tjera.