DUELI I FUNDIT I STINORIT TË RREGULLT
Foto: balkanleague.net
Bashkimi drejt Sofjes
7 March, 2018 @9:16
Pas disfatës së thellë të regjistruar mbrëmë në duel me Akademik Bultexin, Bashkimi sot merr rrugë për Sofje, ku nesër do të përballet me Levskin .
Mbrëmë Bashkimi pësoi humbjen me 41 pikë dallim ndaj ekipit të Pllovdivit 102-61 dhe aktualisht ka bilanc 5-6 në BIBL.
Duelin e kaluar të zhvilluar si vendas, Bashkimi e kishte fituar ndaj Levskit 70-63. Kjo ndeshje u zhvillua në nëntor të vitit të shkuar.
Kjo do të jetë ndeshja e fundit e stinorit të rregullt për ekipin prizrenas në BIBL, pas së cilës nis Play-Offi dhe ekipi pas kësaj ndeshjeje do të mund të mësojë kundërshtarin në rrugë për Final Four.
Ndeshja Levksi-Bashkimi luhet nesër mbrëma me fillim prej orës 18:30 në Sofje.
Final Fourin e BIBL e kanë siguruar më parë, Blokotehna nga Gjevgjelia dhe Rilski Sportist nga Samokov.
