TREPÇA
Tim Owens (majtë) dhe Mikhail Torrance (djathtë)
Owens e Torrance në Trepçë
9 September, 2014 @16:39
Një prej skuadrave më të heshtura në Superligë, Trepça, ka filluar ta forcojë skuadrën me basketbollistë të huaj.
Ekipi nga Mitrovica ka nënshkruar me dy basketbollistë amerikanë, Tim Owens dhe Mikhail Torrance, të cilët pritet t’i bashkohen ekipit në javën e ardhshme.
Owens është 205 centimetra i gjatë dhe luan në pozitën e alos. Ai ka luajtur në NCAA1 me skuadrën Troy University Trojans, ku ka pasur mesatare prej 5.2 pikëve, 4.9 kërcimeve dhe 2.1 bllokadave për ndeshje.
Ndërsa amerikani tjetër Torrance luan në pozitat 1 dhe 2, dhe ka pasur një karrierë duke provuar skuadra të ndryshme në shtete si Turqia, SHBA-ja, Kanada, Finlanda, Republika Dominikane etj.
Përveç këtyre dy përforcimeve, sipas gazetës Arena, drejtuesit e klubit xehetar janë shumë afër arritjes së marrëveshjes me nigerianin Kelechi KC Anuna, i cili më parë ka qenë edhe reprezentues i përfaqësueses së Nigerisë.
Video
