Pa dallim nga takimi i parë

Kampionja e Kosovës në basketboll është treguar sërish e furishme ndaj Bashkimit. Peja ka arritur të shënojë fitore bindëse 107-71 në ndeshjen e zhvilluar sonte në Karagaç, që ishte ndeshja e parë e ciklit të dytë të Superligës dhe i takoi xhiros së tetë. 

Bashkimi ka pasur një nismë shumë të mirë në takim, duke luftuar në çerekun e parë ballë për ballë me Pejën, çerek ky që përfundoi 27-26 në të mirë të pejanëve. 

E prej këtij momenti në parket ishte vetëm një ekip. Peja filloi që nga çereku i dytë të krijojë epërsinë ndaj prizrenasve të pafuqishëm, te të cilët vërehej mungesa e rotacionit në ekip dhe gabimet e shpejta personale të disa lojtarëve kyq të portokallëve, e bënë të vetën. 

Interesant është edhe fakti që në këtë takim kanë qenë akterë 6 kroatë. Trajneri i Pejës Daniel Lutz dhe pesë basketbollistë: Vedran Morovic e Teo Simovic te Peja, ndërsa Denis Vrsaljko, Josip Blajic dhe Dino Erceg te Bashkimi. 

Lojtari më i rëndësishëm i ndeshjes ka qenë Drilon Hajrizi me efiçencë 24, duke shënuar 24 pikë 2 asistime dhe 4 kërcime. 

Te Bashkimi, vetëm dy basketbollistë kanë arritur të shënojnë pikë dyshifrore: amerikani Justin Cecil 15 dhe Josip Blajic 10 sosh. 

Kjo është fitorja e shtatë e Pejës në kampionat, derisa Bashkimi ka regjistruar humbjen e katërt.

Rezultati, ndeshjet e nesërme dhe tabela aktuale.

Statistikat ekipore

	Peja	Bashkimi
Çereku i parë	27	26
Çereku i dytë	33	11
Çereku i tretë	25	23
Çereku i katërt	22	11
Kërcime	31	30
Asistime	26	17
Topa të vjedhur	5	1
Topa të humbur	11	15
Tentime për tre pikë	12/29	4/18
Tentime për dy pikë	30/62	21/47
Tentime nga gjuajtjet e lira	35/40	25/36

Statistikat individuale te Peja

1	Drilon Hajrizi	27 pikë	4 kërcime	2 asistime
2	Teo Simovic	16 pikë	7 kërcime	1 asistim
3	Frederick House	16 pikë	3 kërcime	1 asistim
4	Samir Shaptahovic	14 pikë	6 asistime	2 kërcime
5	Vedran Morovic	11 pikë	3 asistime	2 kërcime
6	George Oduwufa	9 pikë	4 kërcime
7	Fahri Breca	3 pikë	4 asistime	2 kërcime
8	Rron Grapci	7 pikë	4 kërcime	3 asistime
9	Mirza Ahmetbasic	3 pikë
10	Gerti Shima	1 pikë	3 asistime	2 kërcime

Statistikat individuale te Bashkimi

1	Justin Cecil	15 pikë	3 kërcime	1 asistim
2	Josip Bljajic	10 pikë	5 asistime	2 kërcime
3	Dino Erceg	9 pikë	3 asistime	2 kërcime
4	Altin Morina	9 pikë	3 kërcime	2 asistim
5	Denis Vrsaljko	9 pikë	5 kërcime
6	Bruno Daliu	9 pikë	4 kërcime
7	Valentin Spaqi	4 pikë	4 asistime	3 kërcime
8	Adnan Mustafa	3 pikë
9	Qëndrim Ajazaj	2 pikë	2 kërcime
10	Qëndrim Biraj	1 pikë	2 kërcime	1 asistim