RIKTHIMI
Para PlayOffit, kthehet Mulaomerovic
5 April, 2019 @21:20
Pas gati një muaj mungesë, Damir Mulaomerovic është kthyer te Prishtina.
Trajneri kroat që njëkohësisht është edhe trajner i reprezentacionit të Kosovës ka mbajtur sonte seancën stërvitore me ekipin bardhekaltër.
Mulaomerovic 44 vjeçar është kthyer para derbit që Prishtina do ta zhvillojë ndaj Yllit këtë fundjavë, kur më 7 prill në ora 17:00 në Pallatin e Rinisë bardhekaltërit presin mysafirët nga Suhareka që thuajse kanë siguruar gjysmëfinalen e PlayOffit.
Mulaomerovic ka drejtuar Prishtinën në arritjen historike të saj në gara evropiane këtë stinor, duke arritur të tetën e finales së FIBA Europe Cup.
Ai më parë me Prishtinën fitoi Kupën e Kosovës në basketboll, ne Final 8 që u mbajt në Rahovec. Ndërsa tash, synon edhe rikthimin e titullit të kampionit, pasi që pas tre xhirosh nis PlayOffi.
Prishtina PlayOffin do të nis nga gjysmëfinalja dhe do të pres ekipin që vjen nga çerekfinalja mes pozitave 4 dhe 5.
