FIBA EUROPE
Parker, basketbollisti i vitit
28 January, 2015 @14:23
Për herë të dytë rresht, Tony Parker, është zgjedhur basketbollisti më i mirë europian i vitit.
Basketbollisti françez ka arritur ta fitojë këtë çmim duke e lënë pas tij serbin, Milos Teodosic dhe françezin tjetër, Boris Diaw, të cilët ishin ndër tre më të votuarit nga tifozët dhe ekspertët e basketbollit europian.
Parker në vitin 2014 është shpallur kampion me skuadrën e San Antonios, duke e fituar unazën e katërt të NBA-së në karrierë, që është edhe rekord për një basketbollist europian.
Javën e kaluar ishte shpallur edhe basketbollisti më i mirë i ri nga FIBA Europe, të cilin e kishte fituar kroati Dario Saric.
Rezultatet e votimit për basketbollistin më të mirë europian
| 1 | Emri dhe skuadra e lojtarit | Votat e fansave | Votat e ekspertëve | |
| 2 | Tony Parker (San Antonio Spurs) | 10666 | 382 | |
| 3 | Milos Teodosic (CSKA) | 29191 | 248 | |
| 4 | Boris Diaw (San Antonio Spurs) | 9440 | 287 | |
| 5 | Goran Dragic (Phoenix Suns) | 9678 | 185 | |
| 6 | Bogdan Bogdanovic (Fenerbahce Ulker) | 29094 | 116 | |
| 7 | Pau Gasol (Chicago Bulls) | 5879 | 144 | |
| 8 | Dirk Nowitzki (Dallas Mavericks) | 5994 | 131 | |
| 9 | Sergio Rodriguez (Real Madrid) | 4976 | 71 | |
| 10 | Jonas Valanciunas (Toronto Raptors) | 8863 | 52 | |
| 11 | Alessandro Gentile (EA Milano) | 5645 | 12 |
