Hammork beson në Play-Off

Ylli bëri befasinë e madhe në fundjavë, duke mposhtur Bashkimin në Suharekë. 

Njëri ndër më meritorët për fitoren e ekipit nga Suhareka ka qenë amerikani Charles Hammork, që gjithnjë e më shumë po dallohet me lojën e tij në Superligë. 

Ai beson se Ylli tash ka gjasa reale që të arrijë Play-Offin, ndërsa ekipi i tij tashmë po respektohet edhe më shumë nga kundërshtarët. 

“Ka qenë një fitore e madhe për ne, duke ditur se ata janë më lartë se ne në tabelë,” ka thënë fillimisht aloja amerikane e Yllit. 

“Vetë fillimi i pjesës së dytë të stinorit me fitore do t’i jep vetëbesim të madh ekipit tonë, ndërsa besoj që Play-Offi është shumë i mundshëm për ne,” ka shtuar më tej Hammork, duke shtuar se ekipi ku luan ai tashmë respektohet në Superligë. 

“Në fakt, Play-Offi është edhe qëllimi i skuadrës sonë, prej se jam unë këtu. E dimë se shumë ekipe nuk na kanë respektuar në fillim, por tani situata ka ndërruar, ngase çdo ekip na respekton si kundërshtar të denjë,” ka përfunduar ai pronocimin për Borozani.com. 

Hammork bashkë me të huajt tjerë te Ylli është akomoduar mirë, ndërsa ka arritur mesatare prej 14.7 pikëve dhe 3.3 asistimeve deri më tani këtë stinor. 

Ylli do të luaj ndaj Kastriotit xhiron që vjen në Superligë. Ata atkualisht kanë bilanc prej 6 fitoreve dhe 9 humbjeve në Superligë, ndërsa gjinden në pozitën e pestë të tabelës. 

NDESHJET E RADHËS DHE TABELA AKTUALE