Shkon Baletic, kthehet Kërveshi

Ish trajneri i Bashkimit, që u shpallë trajneri i vitit nga Federata e Basketbollit të Kosovës, për stinorin që shkoi, Edin Kërveshi, do të rimerr drejtimin e ekipit nga Prizreni sot. 

Kjo, pasi që drejtuesit e klubit portokallezi kanë larguar trajnerin e deritashëm të ekipit, malaziasin Miodrag Baletic, ka mësuar Borozani.com ekskluzivisht nga menaxheri i kësaj skuadre, Arlind Kaçaniku.

Si duket humbja nga Ylli ka qenë një kafshatë e pakapërdishme për drejtuesit e klubit prizrenas, të cilët kanë larguar trajnerin më me përvojë që ka ardhur ndonjëherë në ekip. 

Sidoqoftë, 35 vjeçari Kërveshi, si forcë lokale prizrenase pritet të këndell skuadrën e Bashkimit pas humbjes së papritur nga Ylli fundjavën që shkoi. 

Kërveshi pritet të debutojë që në ndeshjen e radhës të Bashkimit, kur këta të fundit presin në Sezai Surroi Besën e Pejës. 

NDESHJET E RADHËS DHE TABELA AKTUALE