Pas 11 fitoreve radhazi, ndalet Interi

Skuadra lidere e elitës së futbollit italian, Inter, është ndalur sonte nga Napoli në përballjen tjetër derbi të xhiros, me përfundimtaren 1-1 [Handanovic 36ag. - Eriksen 55].

Inter hyri në lojë me serinë prej 11 fitoreve në Serie A. Mirëpo, një krosim i Lorenzo Insignes, çoi në mosmarrëveshje të Samir Handanovicit dhe Stefan de Vrijit, që u ndeshën pranë shtyllës për të shënuar autogol për epërsinë e vendasve në Diego Maradona.

Sidoqoftë, danezi Christian Eriksen bukur barazoi me të majtën e tij dhe mundësoi që Inter të mbajë distancë 9-pikëshe ndaj ndjekësit të parë, Milan.

Te Napoli Amir Rrahmani qëndroi përgjatë gjithë ndeshjes në bankën rezervë, ndërsa Elseid Hysaj u aktivizua prej minutës së 90 të ndeshjes, për të luajtur minutat e vazhdimeve.

NOTAT E LOJTARËVE:

Napoli: Meret 6, di Lorenzo 6, Manolas 6, Koulibaly 8, Rui 7, Fabian 6, Demme 5, Zielinski 5, Politano 6, Osimhen 6, Insigne 6. REZ: Mertens 6, Elmas 5, Hysaj 6, Bakayoko 6.
Inter: Handanovic 5, Skriniar 5, de Vrij 5, Bastoni 6, Hakimi 6, Barella 6, Brozovic 5, Eriksen 6, Darmian 6, Lukaku 6, Martinez 5. REZ: Perisic 6, Sanchez 6, Gagliardini 6.